لكل شخص عيوب وسلبيات … ومافي انسان كامل … غير حبيبنا محمد صلى الله عليه وسلم
بس انا دحين بتكلم عننا احنا … طبعا الله يجيرنا مطفحين بلاوي
ويقولك …. الزين ما يكمل
والله يعينو الا ح يقرأ تدوينتي دي …
لانو الزاميا لو ح يعلق على الموضوع راح يجاوب ع السؤال :
* ايش هيا اكتر صفات او حاجات ماتحبها ف نفسك ؟؟ في شخصيتك ؟؟
ولا ترى ماراح اقبل تعليقو ….. انتبهـــــــــو
ولازم من الصراااحه ياجماعه الخير … واحنا مابيننا فلا تستحو
وراح ابدأ بنفسي عشان تتشجعوا : أيش السلبيات التي تحملها بشوره ؟؟
اول شي انا وحدة ” دمي فاير ” يعني عصبيه او اتنرفز احيانا من اقل شغله … والمشكلة يبان مرره عليا
يعني لو عصبت من حاجه اوشخص معد استحمل ولو اترفزت برضو من شغله على طوووول تلاقي الوجه والاخلاق والنفسيه والكلام كلها قلبت
يعني في نـــــاس سبحان الله ” دمهم بـــــــارد ” يالطيف …. حتى لو عصبو او زعلو من حاجه ولا يبان عليهم … صم بكم عمي فهم لا يبصرون
وطبعا باحاول امسك نفسي واسيطر ع الوضع عشان لا يوصل عمري 30 والا معايا الضغط والسكر والقولون العصبي …..
تاني شغلة …. انسانه متقلبة الرأي …..” على قولت اخواني طبعا ” بس انا ماشوف نفسي كدا دايــــــما
يعني في مواضيع ما اقدر اتخذ فيها قرار ولا اعطيك فيها رأي !!! ما ادري ليش ؟؟؟ اتنح فيها يعني
مثلا … يجو اتنين يستشيروني في موضوع والشخصين كلهم احبهم واحترم رأيهم … اقوم ما اعرف ايش اقوول رأي !! واكتفي اني انقد اراهم لو فيها شي وبس ….
يعني بالمختصر مني عارفه كيف اوصف دي النقطة بس هيا ف شخصيتي … وانقهر منها
تالت شي … وهوا اكتر شي متعبني … بعترت الفلوس … يعني على قولتهم الجي زي الا رايح …. ولو سألتني فين وديتي فلوسك ح أقولك ما افتكر !!!
احب ابسط نفسي واعمل كل الا نفسي في حتى ولو اصرف كل الا معايا عشان اشتري حاجه نفسي فيها او اخرج خرجه وابسط !!
وعندي مبدأ … ما دام انا عايشه ليش اخنق نفسي واخبي الفلوس لا والله ….
طبعا مبدأ دين أمو غلط … والمشكلة والمصيبه اني عارفه … لانو بعد ما أصف ع الحديده يبدأ شغل السلف والسلتحه من الاخوان الاعزاء ف البيت
لكن ” قد ما تعلم في المِتبَـــــــلِم يصبح ناسي ” ..

بصراحه هيا القائمه ح تطوول واخاف تبطلو بعدها تدخلو مدونتي …. يكفي فضايح لحد كدا
اذا حبيتو تكملو عني … اقرأوا تعليقات ” نـــــواف ، مـــــــاجدووه ، حــــــــماده ” ع الموضوع …. ماراح يقصروا >>>>> لا تفضحوني يا هووو
والباقي عليكم طبعا …. انا ابغى اعرف سلبيات كل واحد ح يعلقلي ….. وحده بـــــــــوحده … مو خليتوني اتكلم وبعدها محد يكتب عن نفسو ولو شي واحد انا قابلة
يقولك اول خطوة للتغيير هو الاعتراف بالشي … يعني ممكن لو كل واحد اعترف بسلبياتو بكره يغيـــــــــرها ….ويدعيلي طبعا
طيب أقولكم انا ليش اخترت السلبيات ؟؟ عشان لا تسألوا بعدين …. لانو ايجابياتنا احنا ما نشوفها يشوفها غيرنا … انا احس كدا .. في اشياء فيك يشوفها غيرك فيك وانت منك حاسس
و لانو المادح نفسو كداااب

” أحــــبك ”
ماذا تعني لك هذه الكلمة ؟؟
تعني الحُـــــب ….
مــــاهو الحب ؟؟
هل الحب مجرد كلمة ننطق بها من دون ان نعي بمعناها .. لأيٍ كــــــــــان !!!
لماذا اصبح الحب في زمننا فــــاسد ؟؟… يملؤه الكذب و النفاق .. اصبح احيانا

حب ” مصلحـــة “!
مع ان الحب من اسمى المشـــــــاعر الانسانية على وجه الارض..
لولا الحب لكنا ابشع من الحيوانات … لان الحيوانات تحب وتخلص اعتقد اكثر منا نحن البشر
بالنسبة لي … الحب : هو الحياه
لا حياة ولا سعاده من دون ان نُحِب و نُحَب .. لانها ستكون حياه خاليه من اي مشاعر واحاسيس “حيـــاة روتينيه ”
الحب يحتاج للكثير منا لكي يعيش ويستمر معنا على مدى السنين
الحب كالنبته … لاتستطيع ان تترك نبته من دون ماء .. من دون هواء .. من دون حتى ضوء الشمس .. لانها سوف تذبل وتموت
كذلك الحب … قــــــد نُـــحب ولكن بإهمــــالنا نقتل ونميـــت ذلك الحب …
هل فكرت يومـــا لماذا قال افلاطون ” الحــــب أعمــــى “ !!
لانك عندما تُحِب لاترى في الطرف الاخر اي عيـــــوب مهما كانت وهوا كذلك… ومهما أخطأ لاأرادياً ستجد نفسك قد سامحته لانك ستتقبل منه كل شي وأي شي ..
الحـــب يستمد قوته من التضحـــيه لأن الحب هو مجموعه من التنازلات لا نهــــــاية لها .

التضحيه قد لا تكون بالمعنى العميق والكبير الذي يدل عليه اسمها … ولكن جميع مانفعله من اجل من نُحِب يسمى تضحيه ..
يجب ان نختار جيدا ذلك الشخص الذي سنضحي من اجـــــله … لكي لا يأتي يوم نندم فيه لانه لم يستحق منا أي التضحية …
انا لازلت أؤمن بأنه لازال هنالك حــــب صـــــادق مهما حصل ومهمـــا رأيت

ولكـــنه نــــــــــادر !!
الكــــــــلام سيطول ولن ينتهي ابـــــــــدا ..
كل ما وودت معرفته من خلال تدوينتي ….
ماذا يعني ” الحُـــــب” بالنسبة لكل شخص قرأ كلماتي ؟؟؟