كم هي الدنيا صعبة عندمـــا تكون خاليـــة من الأصحاب والأحباب ….
وكم تكون وردية تعبق بالحب والتسامح والسعاده … عندما يرمي القدر في طريقك أناساً تحبهم وتسعد بقربهم وتتمنى وترجو الا تنبت بذور الفرقة في أرض محبتكم ….
أنه الصفاء والحب اللامنتاهي ….
روعة المحبة تتجلى جيداً عندما نجد التضحية والتسامح والعفو عن الزلات ….
التي يجب الا تقف عائقاً أمام طريق المحبة الجميل …!

” للأسف أصبح وجود المحبة نادر في دي الايام :(  او محصور في نطاق ضيق لانو صار من الصعب انو تجد اشخاص يحملون روعة المحبة بمعناها ….!! “

ما مر بي من لحظات …. يجعلني أفكر بطريقة عشوائية …
أحياناً تحطم ما بقي لي من آمــــال …. وأحياناً أخرى توقد فيا الأصرار والعزيمة على التقدم …
النسيان … شي جميعنا لا نحبذه ولكني اصبحت أحبه … في حالتي يكون النسيان أمر جيد بل رائع …
من الصعب أن ترغم نفسك على نسيان موضوع يجول بخاطرك وخيالك دائمـــاً …
ولكن من السهل جدا أن تتناساه لفترات ….
مع الأصرار على تناسيه …. ستنســـاه فعلاً … لانه سيمّل من تجاهلك له فيأخذه النسيان بعيدا عنك ….
مهما كان هذا الموضوع ومهما أثر …..
لابد وأن تهب عليه رياح النسيان وتحمله بعيداً عنا ….. لو أصررنا على تناسيه والمضي قدماً نحو الأفضل
لأن الحياة لن تتوقف لتنتظر منا الحلول …!

” 14 فبراير ” … أكيييد الكل عارف دا اليوم أيش يعني !!
والا مو عااارف يسألني وح أجابو .. عااادي
اليوم 14 فبراير هو ” عيـــــد الحب ” ألا هوا ” valentine’s day”
بصراحه أنا مني حابه أحتفل ” بعيد الحب ” وأخصص موضوع عشان اقولكم والله اليوم عيد الحب وياجماعه ” Happy valentine”
لأ طبعاً … لاني اعتبر الحركات دي سخافه بصراااحه
يعني الناس كلها تلبسلك أحمر ….. وتشتري ورود حمرا ان شالله ب 25 ريال وهيا اصلا الورده الروز ف الايام العاديه 5 ريال ويخب عليها
دا غير البطاقات والهدايا والانوار في بعض المحلات حمرا ……. والدنيا كلها تحمّر ف الليلة دي :margreen:
طيب وبعدها ؟؟!
خلاص الحب ينتهي يعني ؟؟؟؟
مو حياتنا وايامنا كلها حب …

كل يوم يمر علينا وأحنا جنب احبابنا وأهلنا هو بالنسبالي ” عيد حب ” !!!
ولا كلامي غلط …..!!
شوفوا هوا لكل حاجه … جانب ايجابي وجانب سلبي …
بس للاسف الغالب على دا اليوم الجانب السلبي والسخيف
يعني لو أخدت أنا الجانب الايجابي ….. في ناس كتييير حولي أحبهم ويحبوني بس عمري ما فكرت اقول لواحد فيهم أنا ” أحبك ”
ما أدري ليييش ؟؟
أنا اتحدى انو مو بس انا الا كدا ……. الاغلبية كدا
عمرنا ما فكرنا نقول للجمبنا ويحبنا اننا نحبو وحاسين ومقدرين كل الا بيقدمو لينا …. لاننا أتعودنا امكن على كدا
او ما عودنا نفسنا نخرج مشاعرنا ونعبر عن الا ف نفسنا
طيب جانا دا اليوم ال ” valentine’s day” مو لازم تروح تشتري ورد أحمر … ولا هديه غالية …. ولا شي
أقل حاجه قول لأحبابك انك ” تحبهم ” ياسيدي ولو شخص واحد بس حسسوا أنك انت مقدر كل الا بيعملو عشانك وعبروا عن دا الشي بكلمة بس …
صدقوني ح يشوفها شي كبير وحلو منك ….
وكدا ح نطلع بشي حلو من دا اليوم ……. الا دايما يضيع وعلى الاغلبية ف شغلات سخيفة …
وأنا حابه أقول أول شي لجميع العائلة ” أنا احبكم ” ….. ” طبعا اقصد بالعيلة يعني أهل البيت أبويا وأخواني ”
وطبعا ح أخصص أخواني ( نواف و أحمد و ماجد ) و أقولهم ” أنا أحبكم ” … وشكرا على كل شي بتقدمولي هوا … وعلى تلبية طلباتي ” بعد الزّن أكييد ”
بس ربي يخليكم ولا يحرمني منكم …..
ومحى أنسى ( فيصل ) والله لك مكانه يالشيخ في البيت وانا مره ” أحبك ” …..

و ( فهد و الحلويين عموري وعبدو وشعولة ) … الله لا يحرمني منك أنا ” أحبكم ”
بس أقووول ترى مو جلست وزّعت مشاعر وأحاسيس بلااااااااش …… ترى بستنى الهدية …

باركولي بديكور بيتي الجديد …..
ترى واااصلني طلبية خصيصاً من باريس >>>> ما اقول غييير مالت بس
أقولكم شي ….
على قد ما كنت متحمسة للتصميم الجديد …. وجلست أزّن على راس أخويا الحبيب ” نوافوه ” عشان يعملوا ….
على قد ما قلبي وجعني و أنا بأشيل الاول ..
امكن لانو اتعودت عليه
فاكريييين الموضوع الا نشرتوا من أول ” أنا أكره التغييير ”
أتأكدت اني مو أكره التغييير …. أتردد من أي شغلة ابغى اغيرها
وأحس تطلعلها عيوب ف نظري … ما ادري من فين ؟؟
يعني انا ما اقول تصميمي الاول ” واااااو ” يعني كااااااان عادي جدا جدا جدا جدا …….. الخ
بس ما أدري ليش حسيت انو دا التصميم رسمي مررره :؟ و تحسّــوا مسطّر :؟
بس حلووو ويتعبر نقلة نوعية >>>>> ” معاها انفصام ف الشخصية :؟

المهم هوا بصراحه جزاك الله خير يا نواف يا حبيبي ….. وما قصرت
بس حبيت اقول الكلمتين الا ف خاطري